(Written 17 April 2026 at Praliné French Patisserie in Cambridge)
shaayad tumne socha hoga ki yeh ko hai yeh pyaar hai
shaayad tumhe phir lagega ki yeh soch bhi kya bekaar hai
shaayad tumne socha hoga jo na mukammal ho voh khoobsoorat hai
shaayad tumhe phir khyaal aaye ki khoobsoorati ki kise zaroorat hai
shaayad tumne socha hoga ki tumhaari apne mann par chalti hai
shaayad tumhe phir ehsaas ho ki hukoomat kitni khalti hai
shaayad tumhe mehsoos ho yeh anjaanaapan meetha dard hai
par shaayad shaayad karte karte poori kaayanaat hi zard hai
shaayad mujhe pata tha, shaayad maine kaha naheen
ki shaayad shaayad karte karte mujh mein kuch raha naheen
No comments:
Post a Comment