prakriti

(Written 30 Apr 2026 at 3:05 am)

tum shaayad samjhe naheen ki prakriti ke niyamaanusaar

jaise phoolon ka khilna bahaarein laati hain

tumhaari taakti nazron ke khaamosh khayaal jab tumhaari jhapakti palkhon se toot jaate hain

tabhi meri angdaayiyaan aati hain

aaj aur kal

(Written 30 Apr 2026 at 2:42 am)

tumne to jo dekhe the 

voh sitaare ab naheen

bhale hi aasmaan tumhe sundar lag raha ho

tumhaari nazar ki saaye mein

voh sitaare to so gaye

mujhe bhi tumne dekha tha

neend mujhe bhi samet ke apni baahon mein

tumhaari nazron se door le jaa rahi hai

phir kisi din ya raat

jaane kaun tumhe dikh jaaye

shaayad tumhe lage ki main hoon

————————

(2:48 am)

main phir kabhi kaise aaoongi?

aaj jo main hoon use to neend 

aasaan se ghoont mein nigal jaayegi

kal kaun jaagega

na tumhe pata hai aur na mujhe

mat sone do mujhe

—————————

(2:53 am)

haath laga lo to shaayad aaj se kal ke beech faasla tumhaari ungliyaan tay kar dein

phoolo phalo

(Written 30 Apr 2026 at 1:58 am)

Chalo aaj ki shab mein yeh din bhi ja dhala

Kehna mat par aaj na main phoola na phala

sirf lavz

(Written 30 Apr 2026 at 1:46 am)

aa ke pakad ke humein kuch boojha do to koi baat hai

lavz to sunte likhte rahe apni akeli saugaat hai

paap

(Written 30 Apr 2026 at 1:36 am)

Mat chhoo-o in angon ko tum

Kaheen paap tum tak na phail jaaye

Dekho us doori se jahaan se

Kamiyaan dikhti hain

Phir jap lena har maun vrat mein

Adh-samjhe shlokon ki tarah

kavita

(Written 30 April 2026 at 1:32 am)

Main jo hoon main naheen hoon

Main jo hoon tumhaare pyaar ka aandolan hai

Tumne apne sabse khoobsoorat hisse leke 

Mujhe likha hai

Tumne auron ki khoobiyaan

Bhi daal di mujh mein

Kitni sundar kavita ke lekhak ho tum

Par main us kavita ka asiddha paath hoon

stupor (2)

(Written 30 Apr 2026 at 12:56 am)

there is a stunning stupor that descends

when the final vestige of the day rends

the sky into an indiscernible mass of gray

things slow down, perhaps because

your mind is no longer fraught with finding the cause

of the shattering applause that blew you away

you imagined it though, didn’t you

those rousing claps that brought you to

this broken feeling that you can never say?

summon the hubris before it diverts its being

into metaphysical excuses like a life worth seeing

and hold it accountable for its unforgivable sway